Թուրքիայի արտգործնախարար Մեւլութ Չավուշօղլուն Իսրայելի վարչապետ Բենիամին Նեթանյահուին մեղադրել է քրդական գործոնի օգտագործմամբ Սիրիան մասնատելու ձգտման մեջ, հաղորդում է «ՌԻԱ Նովոստին»:
«Վերջին օրերին Նեթանյահուն շատ մտահոգված է, քանի որ նա ցանկանում էր Սիրիան ահաբեկիչների օգնությամբ բաժանել, բայց այժմ նա տեսնում է, որ իր ծրագրերը չպետք է իրականանան: Ինչպես տեսնում եք, Իսրայելը սկսել է զրպարտել մեր նախագահին», - NTV հեռուստաալիքի եթերում ասել է Չավուշօղլուն:
Նրա խոսքով, Անկարան տեսնում է, որ «Նեթանյահուն համակրանք ունի Քրդական աշխատավորական կուսակցության նկատմամբ: Ավելի վաղ Նեթանյահուն պաղեստինա-իսրայելական հակամարտության հերթական սրացման պատճառով Էրդողանի հետ հեռակա միմյանց քննադատել էին:
Էրդողանի հետ Ստամբուլում կիրակնօրյա հանրահավաքի ժամանակ Էրդողանն ասել էր, որ Նեթանյահուն «չարիք է սերմանում՝ զբաղվելով պետական ահաբեկմամբ եւ Իսրայելին կոչ էր արել պատասխանատվություն կրել չարագործությունների, մարդկության դեմ հանցագործությունների, արյունահեղության եւ ավերվածությունների համար»: Ելույթին նախորդել էին Գազայի հատվածում նոր բախումները, որտեղ իսրայելցի զինվորականների պատճառով 4 պաղեստինցի էր մահացել:
Ի պատասխան Նեթանյահուն Էրդողանին «հակասեմական բռնապետ» էր անվանել, որը «Իսրայելով է տառապում»՝ հավելելով, որ թուրքական բանակը քրդական գյուղերում սպանում է կանանց ու երեխաների:
