Ջավախահայերի հարցը լուծվել է։ Այս մասին NEWS.am–ին ասաց Անդրանիկ Կարսլյանը։
«Հարուցված քրեական գործերը կարճվել են»,– ասաց նա։
Հիշեցնենք, որ դեկտեմբերի 14–ին հայ–վրացական սահմանին՝ Նինոծմինդա–Բավրա անցակետում ջավախքցի հայ երիտասարդները բողոքի ակցիա են անցկացրել։ Նրանք պնդում են՝ դժվար կացության մեջ են հայտնվում Ռուսաստանից տուն վերադառնալիս։ Մինչեւ 27 տարեկան այն երիտասարդները, որոնք երկքաղաքացի են եւ ունեն հայկական անձնագիր, Ռուսաստանից վերադառնալիս Հայաստան մուտք գործելիս փաստի առաջ են կանգնում՝ կամ պետք է զորակոչվեն հայկական բանակ, կամ 5 տարի ժամկետով ազատազրկվեն։
