ՀՀ վարչապետի պաշտոնակատարի տիկին Աննա Հակոբյանը դեկտեմբերի 25-ին այցելել է հաշմանդամություն ունեցող երեխաների սոցիալ-վերականգնողական «Լուսէ» կենտրոն: Աննա Հակոբյանը նախ շրջել է կենտրոնով, ծանոթացել անձնակազմի հետ, որից հետո կենտրոն հաճախող երեխաների հետ միասին պատրաստել անվանական խաղալիքներ եւ մասնակցել Ամանորյա եղեւնու զարդարման արարողությանը:
Հաշմանդամություն ունեցող երեխաների սոցիալ-վերականգնողական «Լուսէ» կենտրոնը հիմնադրվել է «Սեյվ դը չիլդրեն» կազմակերպության եւ «Երեւան իմ սեր» հիմնադրամի միջեւ համագործակցության արդյունքում՝ «Երեւան իմ սեր» հիմնադրամի եւ Հայկ եւ Էլզա Դիդիզեանների բարերարությամբ կառուցված տարածքում։
