Կորեական թերակղզու ապամիջուկայնացման շուրջ ԿԺԴՀ-ի եւ ԱՄՆ-ի միջեւ բանակցային գործընթացն անշեղորեն առաջ կընթանա հաջորդ տարի՝ չնայած հնարավոր վերելքներին եւ անկումներին: Նման տեսակետ են հայտնել չորեքշաբթի օրը հյուսիսկորեական Choson Sinbo թերթի վերլուծաբանները, հաղորդում է ТАСС- ը:
Ինչպես նշում են հեղինակները, գալիք տարվա համար բարենպաստ հեռանկարը հիմնված է Փհենյանի պատրաստակամության վրա՝ շարունակելու ապամիջուկայնացման բանակցությունները խոստացված ավարտին հասցնելու շուրջ՝ չնայած 2018 թվականի վերջին ամիսներին բանակցություններում առկա երկար դադարին:
Դիտորդների կարծիքով, ԿԺԴՀ-ն ձգտում է մեղմել միջազգային պատժամիջոցների ռեժիմը՝ զինաթափման ուղղությամբ Փհենյանի կողմից ձեռնարկված էական քայլերի դիմաց՝ երկու երկրների ղեկավարներ Կիմ Չեն Ինի եւ Դոնալդ Թրամփի Սինգապուրում տեղի ունեցած հունիսյան գագաթաժողովից հետո:
Հեղինակները, վկայակոչելով այն փաստը,, որ անցնող տարում ԿԺԴՀ-ն կասեցրել է միջուկային եւ հրթիռային փորձարկումները, ինչպես նաեւ ապամոնտաժել իր միջուկային փորձարկումների պոլիգոնը, հույս են հայտնել, որ դա ճանապարհ կհարթի Միացյալ Նահանգների հետ ավելի լավ հարաբերությունների համար:
Հոդվածում նաեւ նշվում է, որ այս տարվա բանակցային գործընթացում առանցքային դեր է խաղացել ԿԺԴՀ պետխորհրդի նախագահ Կիմ Չեն Իրը, ում շնորհիվ Կորեական թերակղզում տիրող իրավիճակում զգալի փոփոխություններ նկատվեցին: Դիտորդների խոսքերով, սա եւս մեկ փաստարկ է հօգուտ այն բանի, որ հաջորդ տարի ԿԺԴՀ-ի եւ ԱՄՆ-ի միջեւ հարաբերություններում հետընթաց չի գրանցվի:
