Կանադական ջրասամույրը կզաքիսների ընտանիքի գիշատիչ կաթնասուն է, որը նախկինում Հյուսիսային Ամերիկայում լայնորեն տարածված էր: Հիմա այն չի հանդիպում ԱՄՆ այնպիսի նահանգներում, ինչպես՝ Իդիանան, Կանզասը, Կենտուկին կամ Նեբրասկան, նրա բնակության վայրերից մեկն է համարվում Յելոուսթոնի ազգային արգելոցը, փոխանցում է Nat-geo-ն
Ջրասամույրները գիշերներն են որսի դուրս գալիս, սակայն քիչ բնակեցված շրջաններում՝ նաեւ ցերեկային ժամերին: Այս կենդանին հրաշալի լողորդ է, ցամաքով տեղաշարժվում է ցատկերով, իսկ ձմռանը ցատկերը հերթագայվում են երկար սահաքայլով: Հենց այս «քայլվածքն» է նկարահանել Բարեթ Հեջեսը: Հոլովակն անչափ տարածված էր անցյալ ձմռանը:
