Վարչապետի պաշտոնակատար Նիկոլ Փաշինյանը եւ ՌԴ նախագահ Վլադիմիր Պուտինը Մոսկվայում կքննարկեն երկկողմ օրակարգի հիմնական թեմաները՝ հայտնում է Կրեմլի պաշտոնական կայքը։
«Դեկտեմբերի 27-ին Մոսկվայում տեղի կունենան բանակցություններ Վլադիմիր Պուտինի եւ Հայաստանի Հանրապետության վարչապետի պաշտոնակատար Նիկոլ Փաշինյանի միջեւ, ով աշխատանքային այցով կայցելի Ռուսաստան։
Ծրագրվում է քննարկել երկկողմ օրակարգի հիմնական թեմաները, եվրասիական հարթակում ինտեգրացիոն միավորումների փոխազդեցության հեռանկարները»,- ասվում է հաղորդագրության մեջ։
Հիշեցնենք, որ Նիկոլ Փաշինյանը դեկտեմբերի 27-ին աշխատանքային այցով կմեկնի Մոսկվա։