ՀՀ կառավարությունն իր այսօր՝ դեկտեմբերի 27-ի նիստում հաստատեց «Զվարթնոց» միջազգային եւ Գյումրիի «Շիրակ» oդանավակայանների 2018-2022 թվականների մաստեր պլանը:
Հարցը ներկայացրեց Տրանսպորտի, կապի եւ տեղեկատվական տեխնոլոգիաների նախարարի պաշտոնակատար Հակոբ Արշակյանը՝ նշելով մաստեր պլանի հաստատումը պայմանավորված է նրանով, որ համաձայն ՀՀ կառավարության ու «Կորպորասիոն Ամերիկա Ս. Ա.» ընկերության միջեւ 2001 թվականի դեկտեմբերի 18-ին ստորագրված կոնցեսիոն պայմանագրի՝ կոնցեսիոների կողմից Մաստեր Պլանը թարմացվելու է հինգ տարին մեկ անգամ՝ ընդգրկելով դրա մեջ երեսնամյա կառավարման ժամկետը:
Ներկայացվող Մաստեր Պլանով նախատեսվում է կատարել շուրջ 38.2 մլն դոլարի ներդրումներ, որի արդյունքում նախատեսվում է ապահովել ICAO ապահովության ստանդարտները, օդանավակայանի թողունակությունը համապատասխանեցնել ուղեւորահոսքի նախատեսվող աճին, հասնել IATA –ի ծառայությունների մատուցման C մակարդակի, բարելավելան վտանգության մակարդակը եւ համապատասխանեցնել միջազգային նոր ստանդարտներին:
Արշակյանը նշեց, որ այդ պլանով, մասնավորապես, նախատեսվում է «Զվարթնոց» միջազգային օդանավակայանում իրականացնել վազքուղու ծածկույթի 2800 մետր երկարությամբ եւ 48 մետր լայնությամբ հատվածի վերանորոգում: Դրան զուգահեռ տեղադրվելու են լուսազդանշանային համակարգեր: Այս աշխատանքները նախատեսվում են իրականացնել 2022-2023թթ.: Նախագծի մոտավոր արժեքը կներկայացվի 2018թ:
«Վազքուղու վերանորոգմանը զուգահեռ անհրաժեշտ է տեղադրել նոր լուսաազդանշային համակարգ: Վազքուղու վերանաորոգման աշխատանքների համար նախատեսվում է 9 մլն դոլարի ներդրում:
Նախատեսվում է նաեւ օդանավակայանի շուրջ մոտ 12կմ պարագծով պարսպի կառուցում: Օպտիկամանրաթելային սենսորները կանցկացվեն ցանկապատի վրայով եւ կկարողանան հայտնաբերել ցանկացած ներթափանցման փորձ: Նաեւ կտեղադրվեն տեսախցիկներ:
Օդանավակայանի շահագործման մակարդակը բարելավելու համար անհրաժեշտ է գնել նոր հակասառույցային եւ ձյուն մաքրող մեքենաներ, ինչպես նաեւ վառելիքի նոր մեքենաներ: Կատարվել է նաեւ Բեռնային համալիրի եւ ավտոտնտեսության շահագործման ուսումնասիրություն եւ պարզվել, որ անհրաժեշտություն կա նաեւ արդիականացնել այնտեղի մեքենաները եւ գնել նորերը:
Բացի այդ, նախատեսվաում է Գյումրիի «Շիրակ» օդանավակայանում իրականացնել կառամատույցի վերանորոգման աշխատանքներ, որից հետո
Նշված կայանատեղիներում հնարավոր կլինի ապահովել պայմաններ Էյրբաս Ա-320 եւ Բոյինգ Բ757-200 տեսակի օդանավերի շահագործման համար. նախատեսվում է վերանորոգել հաշվառման սրահը»,-ասաց Հակոբ Արշակյանը:
Նա ընդգծեց, որ Մաստեր պլանի նախագծում ամրագրված է նաեւ, որ Կոնցեսիոները ողջունում է Հայաստանի Հանրապետության կառավարության որդեգրած՝ անցումը «Բաց երկնքի քաղաքականությանը» եւ պատրաստակամություն է հայտնել իր մասնակցությունն ու օժանդակությունը բերել այդ քաղականության կայացման հարցում:
Նախարարի պաշտոնակատարի խոսքով, օդանավակայանի հին շենքի քանդման հատվածը հանվել է մաստեր պլանից, քանի որ դրա վերաբերյալ պետք է հանրային քննարկումներ կազմակերպվեն:
Նա տեղեկացրեց, որ 2016-2017 թվականներին Գյումրիի օդանավակայանի ուղեւորահոսքը 8 անգամ աճել է՝ հասնելով 105 հազարի, ինչը նաեւ գնագոյացման քաղաքականության արդյունք է:
