Հայաստանը զարգանում է, քանի որ արդարությունն է վերականգնվում, կոռուպցիան է վերանում եւ օրենքի գերակայություն է հաստատվում։ NEWS.am–ի հետ զրույցում նման կարծիք հայտնեց երգահան, Երեւանի ավագանու «Իմ քայլը» խմբակցության անդամ Լիլիթ Պիպոյանը։
«Սա չափազանց կարեւոր է, մենք բոլորս դրա տակ ճռռում էինք տարիներ շարունակ, դա փաստ է։ Ուզում ենք բոլորս միանգամից լավ ապրե՞նք, բայց դա այսպես արագ չի լինելու»,– ասաց նա։
Հարցին՝ ինչքան ժամանակ է պետք իշխանություններին երկրում աղքատությունն ու գործազրկությունը վերացնելու համար, Լիլիթ Պիպոյանը պատասխանեց. «Չեմ կարող ասել... պարոն վարչապետն ընկած մարդկանց համոզում է, որ ներդրումներ անեն, թող ներդրումներ անեն, ինչի՞ց են վախենում, ինչի՞ չեն անում։ Թող բիզնեսներ բացեն, մարդիկ աշխատեն, տնտեսությունը պետք է չէ՞ տեղից շարժվի, որ բոլորս լավ ապրենք, ես ի՞նչ իմանամ, ինձնից ժամկետնե՞ր եք հարցնում»։