Հազվադեպ հանդիպող վալաբի ալբինոս կենգուրուի ձագ է ծնվել Ֆրանսիայի արեւմուտքում՝ Բոֆե քաղաքում, հայտնում է Ouest-France թերթը։
Ձագը լույս աշխարհ է եկել մասնավոր ֆերմայում եւ դարձել երկրորդ վալաբի ալբինոսը Ֆրանսիայում եւ երրորդը՝ Եվրոպայում։ Եվս մեկը բնակվում է Նորվեգիայում։ Կենդանիների այսպիսի նմուշները բարձր են գնահատվում աշխարհի կենդանաբանական այգում։ Նույնիսկ իրենց բնակության վայրում՝ Ավստրալիայում, նրանք շատ հազվադեպ հանդիպող տեսակներ են համարվում։
Կաթնասունների այս խմբում ալբինոսների ծնվելու հավանականությունը քիչ է։ Կենդանաբանների կարծիքով՝ դա 50-100 հազար դեպքերից մեկն է։ Վայրի բնության պայմաններում այսպիսի կաթնասունները հազվադեպ են ապրում մինչեւ հասուն տարիք, քանի որ սպիտակ մորթը նրանց չի քաղարկում եւ նրանք գիշատաիչների համար դառնում են հեշտ կեր։
Վալաբին փոքրիկ կենգուրուների տեսակ է, հասուն առանձնյակի հասակը 90 սանտիմետրի է հասնում., իսկ քաշը՝ ընդամենը 20 կգ–ի։