Մագնիտոգորսկի տներից մեկում կենցաղային գազի պայթյունից հետո ավերակների տակից չորս հոգու, այդ թվում՝ մեկ երեխայի են դուրս բերել, հայտնում է ՏԱՍՍ-ը՝ վկայակոչելով Առողջապահության նախարարության մամուլի քարտուղար Մաքսիմ Ռադեցկիի հայտարարությունը երկուշաբթի օրը «Ռոսիա 24» հեռուստաալիքի եթերում։

Ավելի վաղ հայտնել էինք, որ երեք մարդ է դուրս բերվել ավերակների տակից։

ՌԴ արտակարգ իրավիճակների նախարարության Չելյաբինսկի շրջանային գլխավոր վարչությունում հաստատել են, որ ավերակների տակից փրկարարները դուրս են բերել 7 մարդու, նրանցից երեքը զոհվել են, 4-ը՝ փրկվել։

Բժիշկները օգնություն են ցուցաբերել 12 հոգու, նրանցից 4-ին հոսպիտալացրել են։ Անհայտ է մնում 79 մարդու ճակատագիր։