Սուրբծննդյան տոները մոտենում են ավարտին, բայց Բեռլինի Տիրպարկ կենդանաբանական այգու կենդանիների համար տոնը շարունակվում է։ Ամեն տարի այգու բնակիչներին եղեւնիներ են բերում, որոնք վաճառել չի հաջողվել, տեղեկացնում է «Մոյա պլանետա»-ն՝ հղում կատարելով Daily Mail-ին։
Ինչ-որ մեկի տունը զարդարած եղեւնիներ այգին չի ընդունում, քանի որ դրանց վրա կարող են քիմիկատներ կամ էլ դեկորներ մնացած լինել։
Տիրպարկի բնակիչները շատ են սիրում սեզոնային այս հյուրասիրությունը։ Փղերն ուտում են հենց եղեւնիները, կապիկների համար ծառերը զարդարում են բանջարեղենով եւ մրգերով, իսկ վագրերին ուրախացնում են մսե խաղալիքները։