Իրանում Իրաքի սահմանին տեղի ունեցած երկրաշարժի հետեւանքով տուժածների թիվը հասել է մինչեւ 75-ի, հայտնում է երկրի արտահերթ բուժօգնության ծառայությունը, փոխանցում է «ՌԻԱ Նովոստի»-ն:
Նշվում է, որ շատերը թեթեւ վնասվածքներ են ստացել:
Ավելի վաղ հաղորդվել էր, որ 30-ից ավելի մարդ տարբեր վնասվածքներով դիմել էր իրանական հիվանդանոցներ:
Կիրակի իրանա-իրաքյան սահմանին տեղի է ունեցել 5,7 մագնիտուդով երկրաշարժ: Եվրոպական միջերկրածովյան սեյսմոլոգիական կենտրոնը (EMSC) հայտնել էր, որ ցնցումները գրանցվել են UTC ժամանակով 13:42-ին, երկրաշարժի օջախը գտնվում էր 40 կմ խորությամբ: Էպիկենտրոնը՝ Բաղդադից 136 կմ հյուսիս-արեւելք եւ իրանական Իլամ քաղաքից 87 կմ հյուսիս-արեւմուտք:
