Արարատի մարզում, հունվարի 6-ին արտակարգ դեպք է տեղի ունեցել. ժամը 21։20-ի սահմաններում արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Խոր Վիրապ գյուղի Խոր Վիրապի վանքի հարևանությամբ հացատուն է այրվում։
Shamshyan.com-ի փոխանցմամբ, դեպքի վայր են ժամանել ԱԻՆ ՓԾ թիվ 21 հրշեջ-փրկարարական ջոկատը, ովքեր մարել են նշված գյուղի Արաբոյի փողոցի թիվ 22 հասցեում գործող «Նռամե» հացատան կրակը։
Հացատան սեփականատեր Համլետ Մ.-ն նշել է, որ հացատունը շահագործում էին միայն ամռանը. «Ուզում եմ հավատալ, որ հրդեհի պատճառը եղել են էլեկտրալարերը, սակայն դա իմ մոտ կասկած է առաջացնում։ Կարծես միտումնավոր հրկիզած լինեն։ Սառնարաններ են եղել, հնաոճ իրեր են եղել, ապառիկով վերցված ապրանքներ, իսկ էլեկտրականությունն անջատել էինք, քանի որ, ինչպես ասացի, սեզոնային ենք աշխատում։ Ճիշտն ասած՝ մի քիչ հույս ունեմ, որ Վեդիի ոստիկանները կհայտնաբերեն կատարողին կամ կատարողներին»,-նշել է նա: