Գերմանիայի տնտեսական համագործակցության եւ զարգացման հարցերով նախարար Գերդ Մյուլերը կառավարական ինքնաթիռի անսարքության պատճառով ստիպված է եղել շտկումներ մտցնել Հարավային Աֆրիկայի երկրներով իր արտասահմանյան շրջագայության ծրագրում։ Գերմանիայի գերատեսչությունում երկուշաբթի՝ հունվարի 7-ին հայտնել են, որ Global 5000–ի առաջին շարժիչի խափանումներ են առաջ եկել, գրում է DW-ն։
Սա վերջին ժամանակներս արդեն երկրորդ լուրջ խափանումն է գերմանական կառավարական ինքնաթիռի աշխատանքում. 2018 թվականի նոյեմբերին Airbus A340-300–ի տեխնիկական խնդիրների պատճառով կանցլեր Անգելա Մերկելը ստիպված է եղել բաց թողել «Մեծ քսանյակի» գագաթնաժողովի բացումը Բուենոս Այրեսում։
Գերդ Մյուլերի ինքնաթիռում խափանումները ի հայտ են եկել Մալավիի Հանրապետությունում, որտեղից նախարարը երկուշաբթի պետք է մեկներ Զամբիա։ Այս հարավաֆրիկյան պետությունում նախատեսված էր նախարարի այցելությունը պղնձի արդյունահանման վայր, ինչպես նաեւ ոչ մեծ արեւային էլեկտրակայան։ Այժմ ճանապարհորդությունը, ամենայն հավանականությամբ, նախարարը պետք է շարունակի կանոնավոր չվերթով։