Անկարայում երեքշաբթի սկսվել են Թուրքիայում ՌԴ դեսպան Անդրեյ Կարլովի սպանության գործով առաջին լսումները, հայտնում է ՏԱՍՍ–ը դատարանի դահլիճից։
Անկարայի դատախազությունը 2018 նոյեմբերի վերջին Թուրքիայի մայրաքաղաքային երկրորդ դատարան է ուղարկել առանձնապես ծանր հանցագործության մեղադրական եզրակացությունը։ Մեղադրյալների թվում են «ֆետուլիստների ահաբեկչական խմբավորման» պարագլուխ Ֆեթուլահ Գյուլենը, ինչպես նաեւ նախկին պետական ծառայող Շահին Սոգյութը, որը իբրեւ թե անուղղակի հրամայել է սպանել ռուս դիվանագետին։
Դատավորը հայտնել է, որ կասկածյալներից մի քանիսը գտնվում են արտասահմանում, սրա հետ կապված նրանք երեքշաբթի դատարանի առաջ կկանգնեն։ Դատապարտյալի նստարանին են հայտնվել ընդհանուր առմամբ 18 կասկածյալներ, որոնցից 4-ը՝ գտնվում են բանտում եւ մասնակցում են դատական գործընթացին։
Դատախազության ներկայացրած մեղադրանքների թվում՝ սահմանադրական կարգի խախտում, զինված ահաբեկչական խմբավորման անդամակցություն, ահաբեկչական նպատակներով դիտավորյալ սպանություն։ Մեղադրող կողմը դեպքը բնորոշել է որպես «Թուրքիայի եւ ՌԴ հարաբերությունների դեմ ուղղված սադրիչ ակցիա»։
Թուրքիայում Ռուսաստանի դեսպան Անդրեյ Կարլովը սպանվել է 2016 թվականի դեկտեմբերի 19–ին Անկարայում լուսանկարների ցուցահանդեսի բացման ելույթի ժամանակ, հարձակվողը՝ ոստիկան Մեւլութ Մերտ Ալթինթաշը չեզոքացվել է։