ԱՄՆ-ն իջեցրել է Վաշինգտոնում Եվրամիության ներկայացուցչության դիվանագիտական կարգավիճակը: Այս մասին հայտնում է Gazeta-ն`վկայակոչելով Deutsche Welle-ին:
Այս տեղեկությունը թերթին հաստատել է Բրյուսելի ներկայացուցիչը, որը ծանոթ է եղել ընթացակարգին:
«Մենք հաստատ չգիտենք, թե երբ են նրանք դա արել, որովհետեւ նրանք, ի դեպ, մոռացել էին մեզ դրա մասին իրազեկել»,-հայտարարել է նա:
Դիվանագետի կարծիքով, անդամ պետությունների առաքելության դիվանագիտական կարգավիճակի իջեցումը միջազգային կազմակերպությունների աստիճանի կարող է տեղի ունենալ 2018թ. հհկտեմբեր-նոյեմբեր ամիսներին:
Վաշինգտոնում աշխատող ԵՄ դիվանագետներից մեկը շեշտել է, որ խոսքն այս դեպքում միայն արձանագրությանը չի վերաբերում: