ԱՄՆ նախագահի ազգային անվտանգության հարցերով օգնական Ջոն Բոլթոնի՝ Թուրքիա այցից հետո երկիրը կարող է ցանկացած պահի Սիրիայի հյուսիսում քրդական կազմավորումների դեմ գործողություն սկսել։ Այս մասին երեքշաբթի ասել է Թուրքիայի նախագահ Թայիփ Էրդողանը։
«Ամերիկյան պատվիրակության այցից հետո Սիրիայի հյուսիսում գործողությունը կարող է ցանկացած պահի սկսվել։ Ես կարող եմ ցանկացած պահի ԱՄՆ նախագահ Դոնալդ Թրամփի հետ բանակցություններ վարել», - նրա խոսքը մեջբերում է «Ենի Շաֆաքը» թերթը, հաղորդում է ՏԱՍՍ–ը։