Իրանի առաջին փոխնախագահ Էսհաղ Ջահանգիրն Իրանի նկատմամբ ԱՄՆ-ի պատժամիջոցներն անարդյունավետ է համարում: Ամերիկյան պատժամիջոցների դարաշրջանը երկար չի տեւի, քանի որ դրանք անտրամաբանական են եւ չունեն աջակցություն, ասել է Ջահանգիրը, հաղորդում է Tasnim-ը: Նրա խոսքերով, ԱՄՆ պաշտոնյաներն իրենց ջանքերն ուղղում են Իրանի ժողովրդի կենսամակարդակի վրա, որպեսզի նա ֆինանսական դժվարություններ ունենա, որոնք կարող են հանգեցնել երկրի ներքին փլուզմանը: «Սակայն հենց մենք կարող ենք կրճատել այդ դժվարությունների ժամանակը», - նշել է նա:
