Xiaomi-ն ներկայացրել է AirDots Pro անլար ականջակալները՝ տեղեկացնում է Life-ը՝ վկայակոչելով MacRumors-ին։

Արտաքինից աքսեսուարը հիշեցնում է Apple AirPods-ը։ Նրանց գլխավոր տարբերությունը բուն ականջակալներն (амбушюр) են, որոնք մտնում են ականջի մեջ։ Ականջակալները պահվում են պատյանի մեջ, որը նաեւ սնուցման աղբյուր է։ Դրանք նաեւ ունեն աղմուկի ճնշման ANC համակարգ եւ IPX4 ստանդարտով ջրից ու փոշուց պաշտպանություն։

Ականջակալները 4 ժամ կարող են աշխատել առանց լիցքավորման եւ 10 ժամ պատյանից լիցքավորվելով։ AirDots Pro-ն հագեցած է երաժշտության սենսորային կառավարմամբ։ Դրանք նաեւ մոտեցման հաղորդիչ ունեն՝ եթե մի ականջակալը հանեք ականջից, երկրորդը միակողմանի ռեժիմով կաշխատի։

Mi AirDots Pro-ն հունվարի 11-ից կվաճառվի Չինաստանում։ Ականջակալների գինը մոտ 58 դոլար է։ Աշնանը Xiaomi-ն ներկայացրել էր Mi AirDots Youth Edition-ը, որը 29 դոլար արժեր։