ԱՄՆ ներկայիս վարչակազմն իրական արտաքին քաղաքականությունն իրանոֆոբիայով է փոխարինել։ Այս մասին Twitter-ի իր էջում գրել է Իրանի ԱԳՆ ղեկավար Մուհամմեդ Ջավադ Զարիֆը։
«Դա, իհարկե, կարող է ինքնասիրություն շոյել՝ պետքարտուղար Մայք Պոմպեոյի եւ ազգային անվտանգության հարցերով խորհրդական Ջոն Բոլթոնի մոլուցքը ավելի ու ավելի է հիշեցնում անընդհատ անհաջողության մատնվող սթալքեր-հոգեկան հիվանդի վարքագիծ»,- գրել է Զարիֆը։
«Ըստ էության, ԱՄՆ-ը իրական արտաքին քաղաքականությունը փոխարինել է Իրանի հանդեպ մոլուցքով եւ իրանոֆոբիայով»,- նշել է նա։
