Լոնդոնի ոստիկանությունը տղամարդու է ձերբակալել, որը փորձել է ներթափանցել Վեսթմինսթերյան պալատ, որտեղ ընթանում են երկրի խորհրդարանի նիստերը, հայտնում է Sun պարբերականը՝ վկայակոչելով ոստիկանների հայտարարությունը:
Ոստիկանությունից հայտնել են, որ տղամարդը ձերբակալվել է պալատի տարածք ապօրինի ներթափանցելու կասկածանքով, նրան տեղափոխել են ոստիկանական տեղամաս:
«Երեքշաբթի՝ հունվարի 8-ին, մոտ 19.20-ին տղամարդը ձերբակալվել է հսկվող տարածք ապօրինի ներթափանցելու կասկածանքով, նա փորձել է մտնել Վեսթմինսթերյան պալատ»,- ասել է ոստիկանության ներկայացուցիչը: «Նրան տեղափոխել են ոստիկանական տեղամաս: Սպաներից ոչ մեկը չի տուժել»,- նշել է նա: