Չարամիտները, որոնք հնարավոր է մոտ 10 շաբաթ առաջ առեւանգել են Նորվեգիայում ամենահարուստ մարդկանցից մեկի՝ Թոմ Հագենի կնոջը, փրկագին են պահանջել եւ սպառնացել, հաղորդում է VG պարբերականը` վկայակոչելով ոստիկանության ներկայացուցիչներին, հաղորդում է РИА Новости-ն։
Նորվեգացի միլիոնատիրոջ կինը՝ 68-ամյա Աննե-Էլիզաբեթ Ֆալկեվիկ-Հագենը, հոկտեմբերի 31-ին անհետացել է Լյորենսկուգի իր տնից: Ըստ VG-ի, այժմ հնարավոր գողերը պահանջել են 9 մլն եվրոյի փրկագին՝ կրիպտոտարադրամով: «68-ամյա կնոջ անհետացումից հետո մոտ 85.9 մլն կրոնին համարժեք գումարի վճարման պահանջը թույլ է տալիս ոստիկանությանը ենթադել, որ խոսքը հանուն փրկագնի առեւանգման մասին է»,-նշում է պարբերականը:
«Առաջադրվել է փրկագնի պահանջ: Ոստիկանությունը խորհուրդ է տվել ընտանիքին չկատարել այդ պահանջները»,- չորեքշաբթի մամուլի ասուլիսում ասել է ոստիկանության ներկայացուցիչ Թոմի Բրյոշկեն, որի խոսքերը մեջբերել է պարբերականը: Ոստիկանության ներկայացուցիչը չի հերքել չարամիտների պահանջած գումարի մասին տեղեկությունները:
Տեղեկացվում է, որ հենց սկզբից ոստիկանությունը միջոցներ է ձեռնարկել կնոջը փնտրելու համար՝ առավելագույն գաղտնիության պայմաններում, սակայն գործի հանգամանքերի մասին միայն այժմ հայտնի դարձավ, քանի որ հափշտակման մասին լուրը հրապարակելը վտանգ էր սպառնում կնոջ կյանքին եւ առողջությանը։
Ինչպես գրում է թերթը, 10 շաբաթվա ընթացքում կնոջ մասին լուրեր չեն եղել: Մինչ այդ որոնումը իրականացվել է ոչ միայն ոստիկանության կողմից, այլեւ քրեական ոստիկանության, Եվրոպոլի եւ Ինտերպոլի կողմից: Միլիոնատիրոջ առեւանգված կնոջ մասին տեղեկատվությանը շատ լրատվամիջոցներ էին տիրապետում, պնդում է պարբերականը, սակայն ոստիկանության պահանջով, մամուլը չի հրապարակել այդ տեղեկությունները:
Այժմ, թերթը հայտնում է, որ երեք երեխաների մայրը եւ տատիկն անհետացել է սեփական տանից, որտեղ չեն հայտնաբերվել կոտրելու հետքեր, եւ չի եղել տեսահսկում: Ըստ թերթի, ոստիկանությունը կարծում է, որ կինը կարող էր առեւանգվել լոգարանից: Պարբերականը նաեւ հաղորդում է, որ տանն իբր հայտնաբերվել է կոտրած նորվեգերենով գրություն, որտեղ նախազգուշացվում էր, որ կնոջ բարեկամները չդիմեն ոստիկանություն:
Թերթը նաեւ պնդում է, որ առեւանգողները պահանջել են փրկագին՝ Монеро կրիպտոտարադրամով`գործարքը թաքցնելու նպատակով․ դրամական միջոցների նման փոխանցման դեպքում հնարավոր չէ հայտնաբերել հասցեատիրոջը եւ գումարը:
