Հայաստանում ժողովրդավարության հետ կապված իրավիճակն ավելի շատ է բարելավվել, քան «հիբրիդային երկրների» խմբում ընդգրկված որեւէ այլ երկրում: Այս մասին են վկայում The Economist Intelligence Unit-ում հրապարակված Ժողովրդավարության ամենամյա համաթվի արդյունքները:
Զեկույցում նշվում է, որ Հայաստանում ժողովրդավարության տեսանկյունից տեսանելի բարելավումներ են գրանցվել: Հայաստանը ստացել է 4,79 միավոր՝ 2017 թվականի 4,11 միավորի համեմատությամբ եւ 111-րդ տեղից բարձրացել է 103-րդ:
Զեկույցի համաձայն՝ 2018 թվականին աշխարհում ժողովրդավարության մակարդակն ընդհանուր առմամբ 3 տարում առաջին անգամ կայուն է մնացել: Սակայն Երկրի բնակչության միայն 4,5 տոկոսն է բնակվում «լիակատար ժողովրդավարությամբ» երկրներում:
Հարեւան երկրները՝ Վրաստանը (89) եւ Թուրքիան (110) նույնպես մտել են նույն «հիբրիդային երկրների» խմբում, մինչդեռ Ադրբեջանը (149), Իրանը (150), ինչպես նաեւ Ռուսաստանը (144) նշվում են «ավտորիտար երկրների» շարքում: