Համաշխարհային բանկը (ՀԲ) նվազեցրել է 2019 թվականին համաշխարհային տնտեսության աճի կանխատեսումը 3-ից մինչեւ 2,9 տոկոս: Դա է հետեւում «Համաշխարհային տնտեսության զարգացման հեռանկարները» զեկույցից, որը կազմել է Վաշինգտոնում տեղակայված կազմակերպությունը, հաղորդում է DW-ը:
«Այն երկրների տնտեսության աշխուժացումը, որոնք էական չափով կախված են հումքային ապրանքների արտահանումից, ամենայն հավանականությամբ, անհամեմատ դանդաղ կլինի, քան սպասվում էր», - նշել են ՀԲ-ի փարձագետները՝ նաեւ ուշադրություն հրավիրելով «միջազգային առեւտրի և ներդրումների» ծավալների կրճատման վրա։
2020-2021 թթ. աճի համաշխարհային ցուցանիշներն ավելի կնվազեն՝ մինչեւ 2,8 տոկոս: