ԱՄՆ պետքարտուղար Մայք Պոմպեոն Իրաքի պաշտոնյաներին վստահեցրել է, որ Վաշինգթոնը շարունակում է հանձնառու լինել «Իսլամական պետության» դեմ պայքարին: Երկրներով շրջագայության ընթացքում Պոմպեոն այցելել է Բաղդադ, հաղորդում է AFP-ն:
Պոմպեոյի Բաղդադ կատարած անսպասելի այցը կայացել է ավելի քիչ քան երկու շաբաթ անց, երբ ԱՄՆ նախագահ Դոնալդ Թրամփը ամերիկյան բազա այցելելու նպատակով Սուրբ ծնունդին չհայտարարված այցով մեկնել էր Իրաք եւ Իրաքի ոչ մի պաշտոնյայի հետ չհանդիպելով, քննադատության էր ենթարկվել:
Բաղդադում Պոմպեոն հանդիպում է ունեցել մի շարք բարձրաստիճան պաշտոնյաների, այդ թվում` վարչապետ Ադել Աբդել Մահդիի եւ նախագահ Բարհամ Սալեհի հետ:
Նա ընդգծել է, որ ԱՄՆ-ն աջակցում է նոր Իրաքի կառավարության՝ բոլոր իրաքցիների համար կայունության, անվտանգության եւ բարգավաճման ապահովման ջանքերը»:
Պոմպեոն «քննարկել է նաեւ Սիրիայում վերջերս տեղի ունեցած ԻՊ-ի տարածքային պարտությունը եւ Իրաքի անվտանգության ուժերի հետ համագործակցության շարունակությունը` ամբողջ տարածաշրջանում ԻՊ-ի հաստատուն պարտության ապահովման համար»: