Չինաստանի Առեւտրի նախարարությունը կարծում է, որ ԱՄՆ-ի հետ վերջին առեւտրային բանակցությունները հիմք են դրել կողմերի միջեւ ծագած տարաձայնությունների լուծման համար: Այս մասին ասվում է գերատեսչության կայքում հրապարակված հայտարարության մեջ:
Առեւտրի նախարարությունը հայտնել է, որ կողմերը առեւտրային եւ կառուցվածքային խնդիրների վերաբերյալ տեսակետների «հանգամանալից եւ մանրակրկիտ» փոխանակում են կատարել: Նախարարությունում նաեւ ընդգծել են, որ Միացյալ Նահանգներն ու Չինաստանը մի շարք հարցերի շուրջ փոխըմբռնման մակարդակը բարձրացրել են, հաղորդում է Gazeta-ն: