Արվեստի քննադատ եւ «BBC»-ի գեղարվեստական փորձագետ Բենդոր Գրոսվենորն ասել է, որ իր կատուն լրջորեն վնասել է XVII դարի նկարը, որն ավելի քան 5 հազար ֆունտ ստեռլինգ արժե, գրում է Gazeta-ն՝ վկայակոչելով The Telegraph-ին:
Նա պատմել է, որ. Ջոն Մայքլ Ռայթի վրձնին պատկանող նկարը ձեռք է բերել 2015թ-ին՝ 5250 ֆունտ ստեռլինգով (ավելի քան 448 հազար ռուբլի՝ ներկայիս փոխարժեքով): Գրոսվենորն ավելացրել է, որ Ռայթը բոլոր ժամանակների իր ամենասիրված նկարիչներից մեկն է:
Արվեստաբանի խոսքերով, միջադեպը տեղի է ունեցել այն ժամանակ, երբ նա վերականգնում էր նկարը՝ դրա վրա հայտնված կոնդենսատից:
«Երբ ես հետ գնացի՝ հիանալու համար աշխատանքով /վերականգնումով/, մեր կատուն թռավ եւ վայրէջք կատարեց նկարի հենց կենտրոնում: Մի իսկական աղետ», - ասել է Գրոսվենորը:
Միեւնույն ժամանակ նա ավելացրել է, որ կենդանին վայրէջք է կատարել նկարի հագուստով եւ ոչ թե դեմքով հատվածի վրա: Արվեստի քննադատը նաեւ կատակել է, որ կատուն Ռեյթի «երկրպագուն» չէր եւ ենթադրել է, որ նկարի վերականգնմանը պակաս գումար չի գնա, քան վաճառքին։ Կատվին պատժելու մասին տեղեկություններ չկան: