«Լուսավոր Հայաստան» կուսակցության առաջնորդ Էդմոն Մարուքյանը հաստատել է իր կողմից ղեկավարվող քաղաքական ուժի՝ ընդդիմություն դառնալու ձգտումները: Լրագրողների հետ զրույցում նա հայտարարել է, որ կուսակցության խորհրդարանական խմբակցությունը, իր ձեւով, իշխանություններին ընդդիմություն կլինի:
Ինչ վերաբերում է «Բարգավաճ Հայաստան» կուսակցությանը, ապա Մարուքյանը նշել է. «Եթե նա իրեն ընդդիմություն հայտարարի, մենք կնայենք նրա գործունեության արդյունքներին»: Ընդհանուր առմամբ, Մարուքյանը տեսնում է համագործակցության հնարավորություն բոլոր քաղաքական ուժերի հետ, որոնց հետ իրենք ընդհանուր հայտարարի կգան` հանուն երկրի շահերի:
Խոսելով քաղաքական բախումների մասին (ԲՀԿ-ի հետ)՝ Էդմոն Մարուքյանը հավաստիացրել է, որ որեւէ մեկի հետ անձնական խնդիր չկա: «Մենք պատասխանեցինք բոլոր հարցերին, թեման փակված է, եթե ինչ-որ մեկը փորձում է շարունակել, անպատասխան չի մնա», - հայտարարել է Մարուքյանը:
