Կարելի է ասել, որ ընդդիմությունից Ազգային ժողովի փոխնախագահի ընտրության հարցն արդեն լուծվել է:
Այս մասին այսօր՝ հունվարի 10-ին, 7-րդ գումարման նոր խորհրդարանի պատգամավորների մանդատների հանձնման արարողության շրջանակներում լրագրողների հետ զրույցում նշեց առաջին փոխվարչապետի պաշտոնակատար Արարատ Միրզոյանը, ով տեղափոխվում է խորհրդարան աշխատելու:
Նրա խոսքով՝ անթույլատրելի է խորհրդարանի խոսնակի ընտրության ժամանակ խախտել քաղաքական կշռի սկզբունքը:
«Նպատակահարմար է թեկնածուին ընտրել այն քաղաքական ուժից, որը ընտրությունների արդյունքներով ձայների մեծամասնությունն է ստացել», - ասաց Միրզոյանը:
Խոսելով «Իմ քայլը» դաշինքի եւ խորհրդարանում ներկայացված այլ քաղաքական ուժերի հետ փոխգործակցության հարցի մասին՝ Միրզոյանը նշեց, որ հաշված օրերի ընթացքում հնարավոր կլինի ակներեւ համոզվել նրանց աշխատանքի հնարավորությունների ընդլայնման մեջ:
«Այդ իմաստով քննարկումներ են անցկացվել ԲՀԿ եւ «Լուսավոր Հայաստան» կուսակցությունների հետ եւ որոշակի պայմանավորվածություններ են ձեռք բերվել», -հավելեց նա: