«Այս փաստը, ինձ որպես Հայաստանի քաղաքացու, բացարձակապես չի անհանգստացնում, քանի որ այս խորհրդարանը ձեւավորվել է մեր քաղաքացիների քվեարկության արդյունքում»,- այս մասին հունվարի 10-ին հայտարարել է ՀՀ կենտրոնական ընտրական հանձնաժողովի նախագահ Տիգրան Մուկուչյանը՝ 7-րդ գումարման ԱԺ-ի պատգամավորներին մանդատների հանձնման արարողությունից հետո, լրագրողների հետ զրույցում՝ ի պատասխան հարցին՝ արդյոք նրան չի մտահոգում նոր իշխանության ներկայացուցիչների չափազանց երիտասարդ տարիքը եւ պետական կառավարման փորձի բացակայությունը:
Միեւնույն ժամանակ, Մուկուչյանը նշել է, որ որպես ԿԸՀ ղեկավար, ինքը չի կարող որեւէ գնահատական տալ այդ հարցի վերաբերյալ, քանի որ այդ գնահատականը կլինի քաղաքական, իսկ Կենտրոնական ընտրական հանձնաժողովն ապաքաղաքական կառույց է: