ՌԴ-ն եւ Չինաստանը հիպերձայնային զենքի մշակման ոլորտում զգալիորեն առաջ են անցել ԱՄՆ-ից: Այս մասին The Hill-ի համար հոդվածում գրել է Հյուսիսային Ամերիկայի Օդատիեզերական պաշտպանության հրամանատարության շտաբի ղեկավար, պաշտոնաթող գեներալ-մայոր Հովարդ Թոմփսոնը:
Հեղինակը վկայակոչում է «Միթչելի Օդատիեզերական ինստիտուտի զեկույցը, որը նշում է, որ հիպերձայնային զենքը «աննախադեպ արագ կասեցում, թիրախներին համընդհանուր հասանելիություն եւ «քառաչափ ազդեցություն» կապահովվի: Դրա ստեղծումն, ըստ հոդվածի, նշանակում է, որ հակաօդային պաշտպանության առկա միջոցները հնացել են, հաղորդում է ՌԲԿ- ն:
Թոմփսոնի խոսքով՝ ամերիկացի քաղաքական գործիչների համար, թերեւս, ակնհայտ չէ, որ հիպերձայնային զենքերը կարող են առավելություններ տալ Ռուսաստանին եւ Չինաստանին, որոնք շատ առաջադեմ են իրենց հետազոտությունների եւ զարգացման մեջ: Գեներալ-մայորը օրինակ է բերում անցյալ տարվա դեկտեմբերին Ռուսաստանում անցկացված նորագույն «Ավանգարդ» հրթիռային համակարգի փորձարկումը: Նրա խոսքով, հրթիռի արագությունը ենթադրաբար 27 անգամ գերազանցել է ձայնի արագությունը:
Թոմփսոնը հավելում է, որ ներկայումս ԱՄՆ-ն չունի այդ ներուժը: «Դաժան իրականությունն այն է, որ մեր ներկայիս հակահրթիռային պաշտպանության համակարգերը, ինչպես նաեւ մեր օպերատիվ մտածողությունը, պարզապես ի զորու չեն դիմակայել այդ սպառնալիքին», - նշել է նա: Նրա կարծիքով, դիմակայության համար ԱՄՆ-ին կպահանջվի ներդրումներ անել «լայն պաշտպանական ճարտարապետություն»:
2018 թ. դեկտեմբերին ԱՄՆ Հաշվիչ պալատը հրապարակել էր զեկույց, որում նշվում էր, որ Միացյալ Նահանգները Ռուսաստանի եւ Չինաստանի հիպերձայնային զենքերից պաշտպանվելու հնարավորություն չունեն: Fox News- ը նշել էր, որ Պենտագոնը փորձում է շտկել իրավիճակը: Օրինակ՝ ապրիլին Lockheed Martin ընկերությունը հիպերձայնային զենքի ստեղծման համար 1,3 միլիարդ դոլարի չափով գործարք էր ստացել:
