Չինաստանը երկրի հյուսիս-արեւմուտքում՝ սարահարթում եւ անապատային շրջաններում DF-26 հեռահար գործողության շառավղով հականավային բալիստիկ հրթիռ է տեղադրել այն բանից հետո, երբ ԱՄՆ-ի ռազմական նավը ներխուժել է Չինաստանի տարածքային ջրեր՝ Հարավչինական ծովի Սիշա կղզիների մոտ, հաղորդում է  The Global Times-ը:

DF-26-ը չինական բալիստիկ հրթիռների նոր սերունդ է, որոնք ունակ են ծովում միջին եւ մեծ նավերին նշանառության տակ առնել: Հրթիռը կարող է ինչպես սովորական, այնպես էլ միջուկային մարտագլխիկներ կրել:

China.com-ը հաղորդում է, որ այն կարող է 4500 կմ հեռավորության վրա թիրախները խոցել: