News
Լրահոս
News
Կիրակի
Հուլիս 14
Տեսնել լրահոսը


Այն գործընկերներիս հետ, որոնք ունեն օրենսդրական աշխատանքի փորձը, միասին ենք աշխատելու, որպեսզի այն անհրաժեշտ ինստիտուցիոնալ հիշողությունը, որ նրանք ունեն, փոխանցեն մեզ: Այս մասին NEWS.am-ի հետ զրույցում նշեց ԱԺ նորընտիր պատգամավոր, «Իմ քայլը» խմբակցության անդամ Մարիա Կարապետյանը:

«Իսկ մենք, որ չունենք ինստիտուցիոնալ քաղաքականության մեջ  փորձառություն, քանի որ այնուամենայնիվ, մեր գործունեության ոլորտները եղել են քաղաքական, թեկուզ քաղհասարակության մեջ է եղել, մենք էլ մեր նորարարական շունչը կփորձենք մտցնել այդ գործընթացի մեջ»,-ասաց նա:

Պատգամավորը նշեց, որ վերջին շաբաթներին մանրամասն ուսումնասիրել է «ԱԺ կանոնակարգ» օրենքը:

Տեսակետին, որ «Իմ քայլը» դաշինքի պատգամավորները ընտրվել են Նիկոլ Փաշինյանի վարկանիշի շնորհիվ, ինչ պետք է անեն, որ ցրեն այդ տպավորությունը, մարիա Կարապետյանն արձագանքեց. «Ես չեմ կարծում, որ այդ ընկալումը հարկավոր է ցրել, որովհետեւ քաղաքացիներից շատերի համար իսկապես տեղին ընկալում է, որովհետեւ նրանք ընտրել են վարչապետ այս ընտրություններին մասնակցելով: Բայց չպետք է անտեսենք, որ եղել են բազմում քաղաքացիներ, որոնք ընթերցել են այդ ցուցակները, ծանոթացել են այդ մարդկանց փորձի, անցած ճանապարհի, կրթության հետ եւ դրա հիման վրա կատարել իրենց ընտրությունը:

Շատ քաղաքացիներ պահանջատեր են իրենց ընտրատարածքից ընտրված կոնկրետ պատգամավորներից: հարկավոր է աշխատել, որ բոլոր քաղաքացիները այս քաղաքական թիմից ստանան այն, ինչ ցանկանում են ու ակնկալում են»:

Տպել
Ամենաշատ
Ֆոտոռեպորտաժներ