News
Լրահոս
News
Շաբաթ
Հոկտեմբեր 19
USD
476.34
EUR
530.17
RUB
7.45
ME-USD
0.07
Տեսնել լրահոսը

Երեւանում մետրոյի նոր կայարանի շինարարությունը կարող է առնվազն 75-ից մինչեւ  100 մլն դոլար կազմել: Հանրային խորհրդի Ֆինանսատնտեսական հանձնաժողովի տրանսպորտային ենթակառուցվածքների եւ շինարարության ենթահանձնաժողովի կողմից Երեւանի մետրոպոլիտենի զարգացման, ինչպես նաեւ կառուցման եւ  այլ ստորգետնյա եւ վերգետնյա կառույցների հետագա վերակառուցման թեմայով կազմակերպված քննարկումների ժամանակ այս մասին ասաց հանձնաժողովի նախագահ Վազգեն Սաֆարյանը:

Միեւնույն ժամանակ ըստ «Արթուն»  թունելաշինարարական ընկերության ղեկավար Հմայակ Հարությունյանի՝ ընդհանուր առմամբ նախատեսվում է մետրոյի երկու կայարան կառուցել:

«Մի գիծը «Բարեկամություն» կայարանից մինչեւ Աջափնյակ վարչական շրջան, որտեղ արդեն մասամբ կառուցված է մետրոն, բայց որը լրացուցիչ աշխատանքների կարիք ունի: Այնուհետ նախատեսվում է Աջափնյակից մինչեւ 15-րդ թաղամաս եւ 15-րդ թաղամասից մինչեւ Դավիթաշեն նոր ճյուղեր կառուցել», - պարզաբանեց Հարությունյանը:

Նա նաեւ առաջարկեց երկհարկանի կամուրջ կառուցել, որը «Բարեկամություն» կայարանը կկապի  Աջափնյակ վարչական շրջանի հետ՝ անցնելով Հրազդան գետով: Կամուրջը պետք է նախատեսված լինի ինչպես Երեւանի մետրոպոլիտենի գնացքների երթեւեկության, այնպես էլ ավտոմոբիլային տրանսպորտի համար:

Բուն թունելի երկարությունը պետք է կազմի 900 մետր, իսկ մետրոյի «Բարեկամություն» կայարանից մինչեւ Աջափնյակ գնացքների երթեւեկության միջակայքը պետք է կազմի 7-ից մինչեւ 10 րոպե՝ հաշվի առնելով այն, որ ներկայիս նորմատիվներով գնացքների միջեւ միջակայքը կազմում է 6 րոպե: Նաեւ առաջարկվել է Երեւանի մետրոպոլիտենի գույքագրում անցկացնել՝ աշխատանքի արդյունավետության հետագա բարձրացման նպատակով:

Մայրաքաղաքի գլխավոր ճարտարապետ Արթուր Մեսչյանն, իր հերթին, առաջարկեց ուշադրությունը կենտրոնացնել միայն մետրոյի կայարանների շինարարության վրա, իսկ ավտոտրանսպորտի հարցերը հետաձգել ավելի «բարենպաստ» ժամանակների, քանի որ նախագծի ընդարձակումը եւ դրա ծախսերը կարող են Հայաստանի կառավարությանը եւ Երեւանի քաղաքապետարանին «վախեցնել»: «Ոչ ոքի համար գաղտնիք չէ, որ մեր ֆինանսական հնարավորությունները չափազանց սահմանափակ են: Մենք պետք է իրատես լինենք եւ այնպես չանենք, որ այս նախագիծը սաղմնային վիճակում խեղդվի: Թույլ տվեք առայժմ կենտրոնանալ մետրոպոլիտենի նոր կայարանների շինարարության վրա»,- առաջարկեց Մեսչյանը:

Այս առաջարկն արժանացավ քննարկման մասնակիցների հավանությանը:

Դրանից բացի, քննարկվել է նոր կադրերի եւ մասնագետների պատրաստման հարցը, որոնք կկարողանան նոր կայարանները պատշաճ կերպով սպասարկել: Հանդիպման մասնակիցները հագեցին այն միասնական եզրակացությանը, որ մայրաքաղաքին նոր կայարաններ են անհրաժեշտ, առաջարկվեց սկսել կազմել մայրաքաղաքի ստորգետնյա զարգացման ռազմավարությունը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ryanair-ին «օդի տուրքի» արտոնություն է տրվել․ Տաթեւիկ Ռեւազյան
«ՀՀ կառավարությունը, հարկատուները որեւէ գումար չեն վճարելու Ryanair-ին»,-նշեց նա․․․
Դոլարի փոխարժեքը նվազել է. եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները...
Կադաստրի արխիվների թվայնացման շուրջ խորհրդատվության նպատակով Հայաստան են ժամանում ԵՄ փորձագետները
Հոկտեմբերի 21-ի առավոտյան Կոմիտեում նրանց կընդունի ղեկավար Սարհատ Պետրոսյանը՝ տեղակալ Արամ Կարախանյանի, գլխավոր քարտուղար Գոհար...
«Էրեբունի-Երեւան» տոնկատարությունների շրջանակում Երեւանի մետրոպոլիտենն աշխատելու է արտակարգ ռեժիմով
Մետրոպոլիտենը միշտ աշխատել եւ աշխատում է իր կարգախոսի համաձայն՝ «արագ, անվտանգ եւ անխափան...
Խորհրդակցություն՝ Ավինյանի գլխավորությամբ. Քննարկվել են Գառնիի զբոսաշրջային գոտու, Դվինի թանգարանացման հարցեր
Տեղի է ունեցել խորհրդակցություն «Տեղական տնտեսության եւ ենթակառուցվածքների զարգացման» ծրագրի վերաբերյալ…
Ատոմ Ջանջուղազյանը Ասիական զարգացման բանկի պատվիրակության հետ քննարկել է ոլորտային ծրագրերը
Շիվաջի Կշատռապատին իր հերթին բարձր է գնահատել ՀՀ կառավարության ձեռքբերումները, մասնավորապես՝ կայուն հարկաբյուջետային միջավայրի ապահովումը եւ եվրապարտատոմսերի թողարկումը…
Ամենաշատ
Ֆոտոռեպորտաժներ