News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Հունվարի 11-ին ոստիկանությունում տեղի ունեցավ աշխատանքային հանդիպում, որին մասնակցում էին ՀՀ ոստիկանության պետ Վալերի Օսիպյանը, բնապահպանության նախարարի պաշտոնակատար Էրիկ Գրիգորյանը, Գեղարքունիքի մարզպետ Գնել Սանոսյանը, Բնապահպանության եւ ընդերքի տեսչական մարմնի ղեկավար Արթուր Գրիգորյանը եւ այլ պաշտոնյաներ:

Ոստիկանությունից NEWS.am-ին հայտնում են, որ քննարկվել են դեկտեմբերի 20-ից մեկնարկած Սեւանա լճում սիգի ձվադրման ժամանակահատվածում անցկացվող համատեղ հատուկ միջոցառումների արդյունքներն ու խնդիրները:

Թեեւ նշված կառույցներն արդեն տեւական ժամանակ է պայքար են մղում ձկնատեսակի որսի, տեղափոխման ու վաճառքի դեմ, սակայն դեռ կան էական բացթողումներ:

Կողմերը կարեւորեցին համագործակցությունն առավել սերտացնելու անհրաժեշտությունը:

Քննարկվեցին Սեւանա լճում սիգի ձվադրման ժամանակահատվածում անցկացվող համատեղ հատուկ միջոցառումներին նոր թափ հաղորդելու եւ ծառայությունն ու վերահսկողությունն ուժեղացնելու վերաբերյալ հարցեր:

Կառույցների ղեկավարները միակարծիք էին, որ Սեւանա լիճը մեր երկրի ազգային հարստությունն է, եւ իրականացվող միջոցառումներն ուղղված են ոչ միայն ձկնատեսակի պահպանմանը, այլեւ էկո եւ պարենային անվտանգության ապահովմանը:

Որոշվեց շարունակել Սեւանա լճում ձկնորսների դրած բոլոր ցանցերի դուրսբերումը, լրացուցիչ միջոցներ ձեռնարկել բացառելու լողամիջոցների ու որսագործիքների մուտքը լիճ, ուժեղացնել ծառայությունը Սեւանա լճի հարակից տարածքում տեղակայված պահակետերում ու հայտնաբերել հանրապետության բնակավայրերում սիգի վաճառքի դեպքերը:

Միջոցառումներից եւ Սեւանա լճում սիգ ձկնատեսակի պաշարի գիտական վերագնահատումից հետո, ձկան բավարար քանակների հաստատման դեպքում, կքննարկվի արդյունագործական ձկնորսության թույլտվության հարցը:

Ավելի վաղ NEWS.am-ը հայտնել էր, որ հունվարի 10-ին կառավարության հերթական նիստի ժամանակ վարչապետի պաշտոնակատար Նիկոլ Փաշինյանը հայտարարել էր. «Այսօր զեկուցագիր եմ ստացել, որ ի հեճուկս որոշումների՝ Սեւանի սիգի որսի հետ կապված հարյուր տոկոսանոց բարձիթողի իրավիճակ է»: Փաշինյանը նշել է, որ այդ հարցը մի քանի անգամ արդեն քննարկվել է եւ պետք է մտածել խնդրի երկարաժամկետ լուծման մասին: Նա հանձնարարել է Ոստիկանության պետի, Գեղարքունիքի մարզպետի, Բնապահպանության եւ ընդերքի տեսչական մարմնի ղեկավարի հետ համատեղ քննարկել այդ հարցը եւ առաջարկել երկարաժամկետ կոնկրետ լուծումներ:

Հիշեցնենք, որ Բնապահպանության նախարարությունը հայտնել է՝ 2018թ. դեկտեմբերի 20-ից մինչեւ 2019թ.ի հունվարի 20-ը ներառյալ իրականացվելու է խիստ հսկողության Սեւանը գոտեւորող բոլոր անտառային ճանապարհներում, որտեղ տեղակայվել են հսկիչ կետեր։ Սահմանվել է շուրջօրյա հերթափոխություն՝ մշտական կապ պահելով իրավապահ մարմինների հետ։ Արգելվել է բոլոր տեսակի որսագործիքների եւ լողամիջոցների մուտքը Սեւանա լիճ։

Ամեն դեպքում, սահմանված արգելքն այս տարի նույնպես չի կանխարգելել լողամիջոցների մուտքը Սեւանա լիճ եւ սիգ տեսակի ձկան վաճառքի մասին ահազանգեր են հնչել հանրապետության տարբեր վայրերից: Ապօրինի որսի արդյունքում մեծ քանակությամբ սիգ տեսակի ձուկ վաճառվում էր հատկապես Երեւանի փողոցներում: Տեղի ունեցող երեւույթները վառ ապացույցն են պահպանության պատշաճ մակարդակի բացակայության եւ վերահսկողութուն իրականացնող մարմինների թերացումների:

Սեւանի սիգի որսի հետ կապված 100-տոկոսանոց բարձիթողի վիճակ է․ Նիկոլ Փաշինյան

Տպել
Կարդացեք նաև
Ամբողջը
Հրավառությունից հետո այրվում է Հաղթանակի զբոսայգու հարակից տարածքը (ֆոտո)
Հիշեցնենք, որ այսօր նշվում էր Երեւանի 2801-ամյակի, ինչի շրջանակներում...
Գեղարքունիքի մարզում ողբերգական վթարից մահացած 18-ամյա երիտասարդները դեկտեմբերին զորակոչվելու էին ծառայության
Գյուղապետը հայտնեց, որ վթարի հետեւանքով վիրավորների կյանքին վտանգ չի սպառնում…
Հնդկաստանում հանգուցյալը «կենդանացել» է սեփական թաղման ժամանակ
Նշվում է, որ 55-ամյա հովիվը այծերին արածեցնելուց հետո անհետացել է...
Քարահունջի շենքում գտնվող խաղասրահից բերման են ենթարկել 3 մարդու. Նրանց մոտ կասկածելի փաթեթներ են եղել
Անձնական խուզարկությամբ թմրամիջոցի նմանվող զանգվածով փաթեթներ են հայտնաբերվել…
Բաքվում ընդդիմության հանրահավաքի ժամանակ 60 մարդ է կալանավորվել
Բաքվի կենտրոնում ինտերնետային հասանելիությունը սահմանափակ է եղել․․․
Աշտարակի ոստիկանները ապօրինի թմրաշրջանառության դեպքեր են բացահայտել «Կոշ» ՔԿՀ-ի մոտ
Դեպքերի առթիվ նախապատրաստվում են նյութեր։ Հանգամանքները պարզվում են…
Ամենաշատ