Ճապոնիայի կառավարությունը որոշել է ստեղծել էլեկտրոնային պատերազմի սեփական հարվածային ինքնաթիռները ենթադրյալ հակառակորդի կապի համակարգի եւ ռադարների խափանման համար, հաղորդում է Գազետա.ru-ն՝ հղում կատարելով Yomiuri-ին:
Համաձայն առկա տեղեկությունների՝ նման սարքավորումներով ցանկանում են համալրել տրանսպորտային եւ պարեկային ինքնաթիռները ճապոնական օդային եւ ծովային զինուժը վերազինելու նպատակով: Դրանք բանակում ի հայտ կգան 2027 թվականին:
Ինչպես նշվում է, ներկայումս ճապոնական կողմը արդեն տնօրինում է էլեկտրոնային պատերազմի միջոցներով, սակայն դրանք կրում են պասիվ պաշտպանողական բնույթ: Տվյալ դեպքում խոսքը վերաբերում է էլեկտրոնային պատերազմում հարձակողական ինքնաթիռների մշակմանը: