Իտալական նախկին զինծառայող, կոմունիստ Չեզարե Բատիստին կալանավորվել է Բոլիվիայում, հաղորդում է BBC News-ը՝ հղում կատարելով Բրազիլիայի իշխանություններին:
Բատիստիի նկատմամբ հետախուզում էր հայտարարվել 1970-ականներին Իտալիայում կատարված չորս սպանությունների կասկածանքով: Ընդ որում՝ նա հերքում է իր մեղքը:
Բատիստին երկար տարիներ ապրել է Բրազիլիայում փախստականի կարգավիճակով: Այն ժամանակ նրան աջակցում էր երկրի նախկին նախագահ Լուիս Ինասիսիու Լուլա դա Սիլվան: Սակայն Բրազիլիայի ներկայիս նախագահ Ժաիր Բոլսոնարուն «աջերի» ղեկավարն է, եւ նա խոստացել է արտահանձնել Բատիստիին Իտալիային:
Բրազիլիայի նախագահի գրասենյակում հայտնել են, որ շուտով Բատիստին կժամանի Բրազիլիա, որտեղից նա, ամենայն հավանականությամբ, կարտաքսվի Իտալիա, որտեղ կդատապարտվի ցմահ ազատազրկման: