Երկուշաբթի առավոտյան հզոր պայթյուն է որոտացել Թուրքիայի հարավ-արեւմտյան Սակարիա նահանգում գտնվող գազատարի տարածքում, հաղորդում է ТАСС-ը՝ վկայակոչելով Haber Turk –ին։
Միջադեպը տեղի է ունեցել բնակավայրերից հեռու լեռնային տարածքում: Նահանգապետ Ահմեդ Համդի Նայիրի խոսքերով, «զոհեր եւ վիրավորներ չկան, իսկ պայթյունի պատճառը կարող է լինել սողանքը»:
Պայթյունից հետո կրակ է սկսվել, որը ներկա պահին վերահսկվում է: Թե ինչքան վնաս է հասցվել գազատարին, եւ ինչպես դա կարող է ազդել տարածաշրջան գազի մատակարարման վրա, դեռ չի հաղորդվում: