7-րդ գումարման Ազգային ժողովի անդրանիկ նստաշրջանին գրանցվց 132 պատգամավորից միայն 120-ը: Նիստը վարող «Իմ քայլը» դաշինքից ընտրված Կնյազ Հասանովը նշեց. «Այն պատգամավորները, որոնք չեն գրանցվել, քարտուղարությունն այդ հարցերը կլուծի»:

Այնուհետեւ Հասանովը ներկայացրեց ԱԺ նստաշրջանի օրակարգ՝

1) հաշվիչ հանձնախմբի ստեղծում.

2) Ազգային ժողովի նախագահի ընտրություն.

3) Ազգային ժողովի նախագահի երեք տեղակալների ընտրություններ.

4) մշտական հանձնաժողովների ստեղծում.

5) մշտական հանձնաժողովների նախագահների ընտրություններ.

6) կառավարության առաջարկությամբ Կառավարության կառուցվածքի փոփոխության վերաբերյալ օրենքի նախագծի քննարկում,

7) Կառավարության ծրագրին հավանություն տալու հարց: