Միայն թուրքամետ, տգետ ու պարտվողական հայն է կարող պարսավել Ցեղակրոնությունը: Այս մասին Facebook-ի իր էջում գրել է ԱԺ նախկին փոխնախագահ, ՀՀԿ մամուլի խոսնակ Էդուարդ Շարմազանովը:
Նա, մասնավորապես, նշել է. «Այսօր, հունվարի 14ին,Ցեղակրոնի օրն է։ Այն ոչ նոր կուսակցություն էր, ոչ էլ կրոն։
Ինչպես կասեր Նժդեհը, Ցեղակրոն շարժումը նախ եւ առաջ Ուխտ է։
Այն, ինչպես Մամիկոնյան ուխտը ծառայելու է Ազգի ու Հայրենիքի հավիտենականությանը։
Ցեղակրոն շարժման նպատակը ազգիս բարոյական վերանորոգումն էր։
Ինչպես 1930 ականներին, այնպես էլ այսօր,մեր հասարակության մեջ արդիական են Նժդեհի ցեղակրոն ու տարոնական ուսմունքները։
Միայն ազգային հոգեւոր վերանորոգմամբ ու սեփական պատմության իրական արժեքների վերապրելու ճանապարհով մենք կարող ենք հասնել ազգային, միասնական ու անպարտելի Պետության կառուցմանը։
Միայն թուրքամետ, տգետ ու պարտվողական հայն է կարող պարսավել Ցեղակրոնությունը։
Հ.Գ. Արցախի հարցում հնարավոր անցանկալի սցենարների եւ պանթուրքիզմի վտանգի մեծացման պայմաններում առավել արդիական է ոչ թե Նիկոլի «իզմերի» բացակայության տեսությունը, այլ հենց Ցեղակրոնությունը»:
