ԱԺ նախագահի պաշտոնում առաջադրված Արարատ Միրզոյանն իր խոսքերն սկսեց 2800 տարի առաջ Էրեբունի ամրոցը հիմնադրած Արգիշտի արքայի խոսքով՝ «Հանուն մեր երկրի հզորության եւ ի սարսափ թշնամաց»:
Նա նաեւ մեջբերումներ արեց «Սասնա ծռեր» էպոսից:
«Այժմ գործադիր իշխանությունում իմ պարեկն ավարտված է եւ ես պատրաստ եմ լծվել նոր մարտահրավերի հաղթահարմանը»,-նշեց նաէ անդրադառնալով ԱԺ մի քանի ուղղությունների վերաբերյալ իր պատկերացումներին:
«Նոր խորհրդարանի օրակարգում կարեւոր տեղ է զբաղեցնելու նոր ձեւավորվելիք կառավարության ծրագիրը եւ դրա իրականացման ուղղությամբ մշակվելիք օրենսդրական փաթեթները: Ես անելու եմ ուժերիս ներածը այդ ծրագրի իրագործման շուրջ խորհրդարանական առավելագույն ամենալայն կոնսոլիդացիան ձեւավորելու համար:
Խորհրդարանը պետք է դառնա ավելի նախաձեռնող՝ հրաժարվելով արձագանքողի տարիներ ի վեր ունեցած իր դերից: Այո, ողջ աշխարհում օրենսդրական նախաձեռնությունների գերակիռ մասի հեղինակը կառավարություններն են, բայց մեր պարագայում այդ համամասնությունը չափազանց անհավասար է: Նույն նպատակով կարեւոր եմ համարում կառավարության եւ ԱԺ-ի շահերի համադրումը»,-ասաց Միրզոյանը՝ հավելելով, որ փորձելու է ձեւավորել ԱԺ համաձայնեցված օրակարգ, որը ամենալայն լեգիտիմություն կտա ընդունվելիք որոշումներին:
Անդրադառնալ;ով խորհրդարանական վերահսկողությանը, Արարատ Միրզոյանն ասաց, որ պետք է արդյունավետ, ծրագրային վերահսկողություն իրականացնեն՝ օգտագործելով եղած գործիքակազմը, իսկ անհրաժեշտության դեպքում նաեւ ընդլայնելով իրավական շրջանակը:
Նա ընդգծեց, որ պետք է նոր բովանդակություն հաղորդել խորհրդարանական լսումներին, դրանք չպետք է սկսվեն ու ավարտվեն լսումների օրը. «Հաջորդող գործողությունների հստակ ծրագրով, ներկայացված առաջարկություններով զուգորդված լսումները խորհրդարանական վերահսկողության լավագույն գործիքը կարող են դառնալ»:
Նա կարծիք հայտնեց, որ որեւէ քաղաքական ուժ չպիտի եւ չի էլ կարող միայն իրենով լսնել քաղաքական դաշտը, միայնակ ձեւավորել քաղաքական օրակարգը, ապահովել քաղաքական մտքի գեներացիան, քննարկումներն ու վերջնական արդյունքը:
Առավելեւս այդպիսի վարքագիծ ու տրամադրվածություն չի կարող ունենալ ԱԺ նախագահն ի պաշտոնե: Վերջին ամիսներին ես փորձել են գործընկերային լինել տարբեր քաղաքական ուժերի հետ: խորը հարգանքով վերաբերվելով ընդդիմության դերին, ինքս, որպես իշխող ուժի ներկայացուցիչ, ով ոչ հեռու անցյալում ընդդիմության պատգամավոր էր, ամեն ինչ անելու եմ բոլոր խմբակցությունների հետ կառուցողական, արդյունավետ երկխոսության համար»:
Արրատ Միրզոյանն իր ելույթը ավարտեց այնպես, ինչպես սկսել էր. «Կեցցե մեր երազանքների հայաստանը, որ մենք կերտելու ենք հանուն մեր երկրի հզորության եւ ի սարսափ թշնամաց»:
