ՀՀ վարչապետ Նիկոլ Փաշինյանի կինը՝ Աննա Հակոբյանը, ֆեյսբուքյան իր էջում տեղադրել է լուսանկարներ իրենց տոնական եւ արձակուրդային օրերից:
Նա գրել է․ «Օրագիր. ինչպես անցան մեր տոնական եւ արձակուրդային օրերը»։
Փաշինյաններից կրտսերը՝ Արփին, առաջին անգամ խաշ է փորձել. տեսանյութում աղջիկը չոր լավաշ է մանրացնում եւ համտես անում:
Մեկ այլ տեսանյությում վարչապետի կինն աղջիկների՝ Արփիի եւ Շուշանի հետ «արտակարգ պայմաններում» նվերներ է փաթեթավորում: Կրսեր աղջիկը՝ Արփին, խնդրում է մորն օգնել նվերը թղթով փաթեթավորել, իսկ հետո ակտիվորեն օգնում է նրան՝ «սկոտչ, սկոտչ» գոռալով:
Աննա Հակոբյանը կիսվել է ավագ որդու՝ Աշոտի լուսանկարով, որը բանակից արձակուրդ է եկել: Լուսանկրում Արփին ամուր գրկել է եղբորը եւ սեղմվել նրան:
«Արփին այնքան էր կարոտել Աշոտին, որ վերջին օրերին անընդհատ հարցնում էր. «Մամ, երբ է գալու մեր Աշոտը»: Առաջին մեկ ժամը նա չէր հեռանում նրանից», – գրել Աննա Հակոբյանը:
Աննա Հակոբյանը նաեւ ավագ դստեր՝ Մարիամ Փաշինյանի անգլերեն լեզվով հարցազրույցն է հրապարակել իր ֆեյսբուքյան էջում։