News
Լրահոս
News
Չորեքշաբթի
Հունվար 23
Տեսնել լրահոսը

Ահա արդեն մի քանի տարի նպատակաուղղված հանրային կարծիք է ձեւավորվել Իոսիֆ Աղաջանովին սպանած Մհեր Ենոքյանի օգտին: Լրագրողների հետ զրույցում այս մասին ասաց սպանված Իոսիֆ Աղաջանովի քույրը՝ Ելենա Աղաջանովան:

Ինչպես ավելի վաղ հաղորդել էինք, կառավարության շենքի առջեւ բողոքի ակցիա է ընթանում ընդդեմ Մհեր Ենոքյանի ենթադրվող համաներման: 

«Տեղ է գտել Ենոքյանի եւ նրա կնոջ կողմից միակողմանի լուսաբանում: Ընթացել է հերոսականացման գործընթաց»,- նշեց Ելենա Աղաջանովան: Նրա խոսքով՝ ընտանիքը համաներում ստանալու փորձերին չի միջամտել, քանի որ Ենոքյանի իրավունքն է այդ մասին խնդրելը: «Բայց հիմա պահը հասունացել է: Ըստ երեւույթին, հանրային կարծիքը զուր չի ստեղծվել: Տուժած կողմը պետք է տեղեկացված լինի գործընթացի բոլոր փուլերից: Այլապես ստացվում է, որ նրա ազատման մասին կիմանանք՝ նրան պատահաբար փողոցում հանդիպելով»,- նշեց սպանվածի քույրը:

Նշենք, որ Արդարադատության նախարարությունը հրաժարվում է պատասխանել Մհեր Ենոքյանի առաջիկա համաներմանն առնչվող հարցին:

Նա հիշեցրեց, որ սպանված Իոսիֆի ծնողները երկու հանցագործի համար էլ մահապատիժ էին պահանջում: «Բայց դատարանն այլ կերպ որոշեց: Ինչ-ինչ հանգամանքներ հաշվի առնելով՝  մեկին 15 տարի տալ, մյուսին մահապատժի դատապարտել: Երբ առաջինն ազատվեց, Ենոքյանը սկսեց խոսել իր անմեղության մասին եւ մեղքը բարդել հանցակցի վրա, քանի որ նույն հանցագործության համար երկրորդ անգամ դատել չի կարելի»,- նշեց Ելենա Ազաջանովան:

Ուշագրավ է, որ Մհեր Ենոքյանի կինը՝ Զարուհի Մեժլումյանը (նրանք պաշտոնապես ամուսնացել են 2013-ին), Պետական վերահսկողության ծառայության ղեկավար Դավիթ Սանասարյանի մամուլի ծառայության ղեկավարն է:

Մհեր Ենոքյանը առավելագույն պատժաչափի է դատապարտվել (հետագայում փոխարինվել է ցմահ ազատազրկմամբ) Երեւանի պետական բժշկական համալսարանի ուսանող Իոսիֆ Աղաջանովի սպանության համար: Սպանությունը կատարվել էր Գյուղատնտեսական ինստիտուտի ուսանող Արամ Հարությունյանի հետ միասին: Ա. Հարությունյանը դատապարտվել էր 15 տարվա ազատազրկման:

Իոսիֆ Աղաջանովին հասցվել էին մի քանի տասնյակ դանակի հարվածներ: Սպանությունը կատարելով՝ մեղավորները մասնատել էին դժբախտ պատանու մարմինը, պայուսակի մեջ թաքցրել եւ թողել աղբավայրում, իսկ իրենք փորձել էին թաքնվել արդարադատությունից:

Ենոքյանի ազատ արձակման դեմ ստորագրահավաք է սկսվել: Խնդրագրի ներքո ստորագրել են շուրջ 1200 բուժաշխատողներ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սուրգուտ-Մոսկվա ինքնաթիռի առեւանգիչը պահանջել է թռչել Ադրբեջան
Հայտնի են դարձել Սուրգուտ-Մոսկվա չվերթով ինքնաթիռի առեւանգման որոշ մանրամասներ․․․
ՌԴ-ում Հայաստանի երեք քաղաքացի մեղադրվում է շորթման մեջ
Ամբաստանյալներն իրենց մասնակի են մեղավոր ճանաչել…
Չհայտարարված այցեր ՔԿՀ-ներ․ ազատազրկվածները բարձրացրել են պայմանական վաղակետ ազատ արձակման հարցերը. ՄԻՊ
Առանձնազրույցներ են տեղի ունեցել ազատությունից զրկված 15 անձի հետ, ուսումնասիրվել նրանց իրավունքների ապահովմանն առնչվող անհրաժեշտ փաստաթղթերը և պահման պայմանները...
Ուֆայում հայազգի խարդախը համոզել է աղջկան՝ միլիոնավոր վարկեր վերցնել
49-ամյա հայն ինքն իրեն հայտնի գործարար է ներկայացրել, որպեսզի աղջիկ որսա եւ նրանից 1.7 միլիոն ռուբլի ․․․
Պահեստից գողացել են 10-12 խոտհնձիչ. Մի մասը գտել են Վանյայի նկուղում
Ոստիկանության Արմավիրի բաժնի ծառայողների ձեռնարկած օպերատիվ միջոցառումների շնորհիվ պարզվել է, որ նշվածի մի մասը…
Թմրանյութեն հայտնաբերվել ննջասենյակի պահարանում եւ շալվարի գրպանում
Հադրութ քաղաքի Ծաղկոց փողոցի թիվ 7 շենքի բնակարաններից մեկում զննության են ենթարկել 1976թ.ծնված Դ. Ա-ին...
Ֆոտոռեպորտաժներ