News
Լրահոս
News
Ուրբաթ
Ապրիլ 26
Տեսնել լրահոսը

«Իմ քայլը» դաշինքը  ԱԺ փոխխոսնակի պաշտոնում կքվեարկի ԲՀԿ-ի թեկնածուի օգտին։ Այս մասին լրագրողների հետ զրույցում ասաց ԱԺ նորընտիր նախագահ Արարատ Միրզոյանը։

«Ես կարծում եմ, որ տեղի են ունեցել ընտրություններ եւ ժողովուրդն ինքը ձեւավորել է  քաղաքական ուժերն այն համամասնությամբ, որը որ կա  եւ Էդմոն Մարուքյանը նախընտրական քարոզարշավի ժամանակ ասում էր,  որ այս ընտրությունները ձեւավորում են ոչ այնքան իշխանություն, որքան ընդդիմություն։ Մասնակիորեն համաձայնելով այս պնդման հետ պետք է արձանագրենք, որ ժողովուրդն ընտրել է ընդդիմություն եւ հենց այն համամասնությամբ, որը կա։ Տարբերությունը շատ մեծ չէ, բայց մանդատը քիչ չէ։ Մենք կարծում ենք, որ մենք իրավունք չունենք ժողովրդի քվեով ձեւավորված համամասնությունը խախտել։ Մենք հաշվի ենք նստում սրա հետ, մենք հարգում ենք ժողովրդի կատարած քվեարկությունը եւ  մեծությամբ երկրորդ խմբակցությանը եւ ամենամեծ ըդդիմադիր ֆրակցիայի թեկնածուի օգտին կողմ կքվեարկենք։ սա կարծում եմ՝ մեր չեզոք դերակատարումն է, զուտ հաշվի առնելով մարդկանց արդեն իսկ կատարված ընտրությունը։ Հակառակ դեպքում կարող է այնպես ստացվել, որ «Իմ քայլը» դաշինքը ձեւավորում է սիրելի ընդդիմություն, կամ ինչպես նախկինում էին ասում, մի քի այս բառը, վիրավորական, հարմար չեմ գտնում, գրպանային ընդդիմություն։ Մենք մեզ նման իրավունք որեւէ կերպ չենք վերապահում»,-ասաց Միրզոյանը։

Լրագրողի հակադարձմանը, թե սրանով «Իմ քայլը» դաշինքը ցույց չի տա արդյոք, որ իր համար ավելի ընդունելի ընդդիմություն է ԲՀԿ-ն, Արարատ Միրզոյանն ասաց, որ ոչ․ «Մեզ համար ընդունելի տարբերակն այն է, ինչն արդեն ընտրել է ժողովուրդը»։

Նշենք, որ մինչ այս եղել են առաջարկներ, որ «Իմ քայլը» խմբակցությունն ազատ թողնի քվեարկությունը, սակայն այդ մոտեցումը չի ընդունվել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրապարակ». Կարեն Ավագյանի դեմ հիմնադրամի տնօրենը ցուցմունք չի գրել. Ասել է՝ մենակ եմ արել
Նրան տեւական ժամանակ չէին կալանավորում՝ ժամանակ էին տվել գումարը փոխհատուցելու...
«Փաստ». Սաբոտաժ. մի շարք դեսպաններ հրաժարական կտան. Փաշինյանը «սվոյ»-ների ցուցակ է պահանջել ԱԳ նախարարից
Նրանց ուղղակի չեն վստահում եւ անընդհատ մեղադրում են արհեստական անգործության եւ սաբոտաժի մեջ...
«Իրատես». Իսկ ե՞րբ կխոսի Սերժ Սարգսյանը. նա «անալիզներ» է արել
Սակայն Սերժ Սարգսյանը, ինչպես կասեր Գալուստ Գրիգորիչը, «անալիզներ» է արել ու հասկացել...
«Ժողովուրդ». Ովքե՞ր են ցուցմունք տվել Դավիթ Սանասարյանի դեմ. մանրամասներ
Դավիթ Սանասարյանը տեղյակ է եղել իրենց այդ գործողությունների մասին...
«Ժամանակ». «Իմ քայլը»՝ հանուն իշխանությանը մերձ օլիգարխիայի բիզնես շահերի. «Սիլ»-ը կարող է դառնալ «Բջնի»
Բնականաբար, այս նախաձեռնությունը հիմնավորվում է մրցակցային իրավիճակի բարելավում եւ այլ ճոռոմ ձեւակերպումներով...
«Հրապարակ». «Իմ քայլն» այլեւս փակ ռեժիմով «չի հավատաքննում» պաշտոնյաներին. արտահո՞սքն է պատճառը
Չունեցանք, որովհետեւ աշխատանքային փոփոխություններ պետք է լինեն, որոնք պետք է նախաձեռնի ԱԺ-ն...