News
Լրահոս
News
Ուրբաթ
Ապրիլ 26
Տեսնել լրահոսը

Գդանսկի քաղաքապետ Պավել Ադամովիչը, որի վրա նախօրեին բարեգործական համերգի ժամանակ դանակով հարձակվել էին, մահացել է, հայտնում է ՏԱՍՍ-ը:

Հունվարի 13-ին՝ երեկոյան, Ադամովիչի դեմ մահափորձ էր կատարվել:

Հարձակումը տեղի է ունեցել «Տոնական օգնության մեծ նվագախումբ» բարեգործական կազմակերպության համերգի ժամանակ: Ադամովիչը կանգնած է եղել բեմի անկյունում, երբ նրան մոտեցել է մի մարդ եւ  մի քանի անգամ դանակահարել: Երկար ժամանակ հենց բեմում քաղաքապետին բժշկական օգնություն են ցույց տվել, որից հետո տեղափոխել Գդանսկի բժշկական համալսարանի կլինիկական կենտրոն:

Հանցագործը քաղաքապետի դեմ հարձակումը «Քաղաքացիական հարթակ» կուսակցության վրեժ է անվանել:

Radio Gdańsk-ը գրում է, որ հարձակվողը Ադամովիչին դանակով հարվածելուց հետո դեռ 40 վայրկյան ձեռքերը վեր պահած քայլել է բեմով: Այնուհետ խոսափողով ներկայացել է:

«Ես նստած էի բանտում, չնայած անմեղ էի: «Քաղաքացիական հարթակը» խոշտանգում էր ինձ: Ահա թե ինչու Ադամովիչը մահացավ», — հարձակվողի խոսքը մեջբերում է Gazeta Wyborcza-ն:

Նրան ձերբակալել են մասնավոր պահնորդական ընկերության աշխատակիցները, որը պատասխանատու է համերգին անվտանգության համար, գրում է Meduza-ն:

Ավելի վաղ հանցագործին դատել էին բանկերի կողոպուտի համար: Onet-ի հաղորդմամբ՝ հարձակվողի անունը Ստեֆան Վ. Է: Նա 27 տարեկան է, ապրում է Գդանսկում: 2013-ի մայիս-հունիսին, երբ նա բանկերի կողոպուտների շարք էր իրականացրել՝ ընդհանուր առմամբ 15 հազար լեհական զլոտ գողանալով: Նրան դատապատել էին 5,5 տարվա ազատազրկման: Radio Gdańsk-ը գրում է, որ նա ազատ էր արձակվել դեկտեմբերի վերջին: Քաղաքային ոստիկանության ներկայացուցիչ Կարինա Կամինսկան հաղորդել է, որ հանցագործը համերգին հայտնվել էր մամուլի անցագրով:

ՆԳՆ ներկայացուցիչ Մարիուշ Չարկան հայտնել է, որ Ստեֆանի գործողությունները «իռռացիոնալ դրդապատճառներ» ունեին: Նրան 25 տարվա կամ ցմահ ազատազրկում է սպառնում:

Քաղաքապետը սրտի, ստոծանու եւ որովայանախոռոչի վնասվածքներ է ստացել: Վիրահատությունը տեւել է 5 ժամ, որի ընթացքում պացիենտին մոտ 20 լիտր արյուն են փոխներարկել:

53-ամյա Պավել Ադամովիչը 1998-ից Գդանսկի քաղաքապետն է: 2000-ականների սկզբին նա «Քաղաքացիական հարթակ» կուսակցության հիմնադիրների թվի մեջ էր մտել, սակայն 2015-ին եկամուտների հայտարարարգրերում կեղծ տվյալների մասին մեղադրանքներից հետո հեռացել էր կուսակցությունից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ոստիկանները Վերին Պտղնիում հայտնաբերել են խարդախության համար հետախուզվող Ասատուրին եւ Կարինեին
Ապրիլի 25-ին, ժամը 17.00-ին, ոստիկանության քրեական հետախուզության գլխավոր վարչության և Ճանապարհային ոստիկանության ծառայողների կողմից…
Կիմ Չեն Ընի եղբորը սպանած վիետնամուհին բանտից դուրս կգա մայիսի 3-ին
Վիետնամի քաղաքացուհին բանտից դուրս կգա մայիսի 3-ին...
Սանասարյանի գործով քննչական գործողություններ են կատարվել. փաստաբանները չեն բացահայտում նրա դեմ ցուցմունք տված անձանց
Օրեր առաջ Դավիթ Սանասարյանը նույնպես չէր ցանկացել բացահայտել, արդյոք իր դեմ ցուցմունք տված անձինք կա՞ն, թե՞ ոչ...
Երևան-Ստամբուլ չվերթի հաշվառումից հետո «Զվարթնոց»-ից բերման է ենթարկվել Իրանի քաղաքացի Մաջիդը
Նա ապրիլի 11-ից հետախուզվում էր Իրանի Իսլամական Հանրապետության իրավապահ մարմինների կողմից…
Մեկ օրում բացահայտվել է 65 հանցագործություն. անձի առեւանգումը, անառակաբարո գործողություն, շորթում
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար, ինչի հետեւանքով 1 մարդ զոհվել է, 11-ը՝ ստացել տարբեր աստիճանի մարմնական վնասվածքներ...
Գյումրեցի կնոջ մահվան գործով մեղադրյալ ռուս զինծառայողին հայաստանյան ՔԿՀ տեղափոխելու հարցով կդիմեն Վերաքննիչ դատարան
Տուժողի իրավահաջորդի ներկայացուցիչները չգիտեն, թե մեղադրյալը ռուսական ռազմաբազայում իրական պատժի՞ է ենթարկվում, թե՞ ձեւական...