Հայաստանում Իրանի դեսպան Կազեմ Սաջադին Թեհրանի քաղաքապետ Փիրուզա Խանաչիի հետ հանդիպման ժամանակ ընդգծել է Թեհրանի եւ Երեւանի միջեւ միջմունիցիպալ համագործակցության զարգացման անհրաժեշտությունը, հաղորդում է ԻՌՆԱ գործակալությունը:
Նշելով Երեւանի քաղաքապետ Հայկ Մարությանի հետ վերջին հանդիպման մասին՝ Իրանի դեսպանը Խանաչիին կոչ է արել այցելել Հայաստանի մայրաքաղաք:
Նրա խոսքով, Թեհրանի եւ Երեւանի միջեւ եղբայրական հարաբերությունների մասին համաձայնագրի ստորագրումը հիմք կստեղծի այնպիսի ոլորտներում համագործակցություն եւ փորձի փոխանակման համար, ինչպիսիք են երթեւեկության խցանումները, թափոնների կառավարման համակարգը, կանաչապատումը եւ մետրոն:
Թեհրանի քաղաքապետն այս հանդիպմանը նաեւ ողջունել է Երեւանի հետ միջմունիցիպալ համագործակցության ընդլայնումը:
