ԱՄՆ-ում 19-ամյա Ջոնաթան Ֆեյրը ընկերուհու 4-ամյա դստերը ծեծել է այն պատճառով, որ նա հյութը թափել է Xbox խաղային հավելվածի վրա: Արդյունքում երեխան մահացել է, փոխանցում է Americaru-ն:
Իլինոյսի դատախազները ցանկանում են հասնել երիտասարդի ցմահ ազատազրկմանը, որը դաժանաբար սպանել է ընկերուհու դստերը: Ֆեյրը աղջկա հետ տանը մենակ էր մնացել: Նա է երեխային հիվանդանոց տեղափոխել՝ պնդելով, որ ընկել է եւ գլխով հարվածվել: Ավելի ուշ պարզվել է, որ նա աղջկան մի քանի անգամ հարվածել է այն բանից հետո, երբ երեխան պատահաբար հյութը թափել է քոնսոլի վրա: Երբ ծեծելիս երեխան գիտակցությունը կորցրել է, Ֆեյրը նրան հիվանդանոց է տարել:
Բժիշկներն ապարդյուն փորձել են վերացնել ուղեղի այտուցը, աղջիկը մահացել է մի քանի օր հետո:
Ֆեյրին առաջադրվել է 4 կետով մեղադրանք, նրան կդատեն Լեյք շրջանի երդվյալները:
