Մեքսիկացի հայտնի թմրաբարոն Խոակին Գուսմանը, ով հայտնի է Էլ Չապո (Գաճաճ) անունով, երկար տարիներ աշխատում էր իր մասին գիրք եւ ֆիլմ ստեղծելու ծրագրերի իրականացման ուղղությամբ։ Այս մասին դատարանում ցուցմունքներ տալիս հայտնել է նրա նախկին օգնականներից Ալեքս Սիֆուենտեսը՝ տեղեկացնում է AFP-ն։
Նրա խոսքով՝ այդ գաղափարը առաջին կինը՝ Էնջին էր տվել Էլ Չապոյին, եւ դա նրան շատ էր դուր եկել։ Նա որոշել էր, որ եթե ինքը նկարահանի ֆիլմը, ապա կստանա ողջ եկամուտը, որ կբերի այն։ Գուսմանը վարձել էր կոլումբիացի մի պրոդյուսերի, որպեսզի նա օգնի իրեն սցենարի հարցում։
Թմրաբարոնը ձերբակալվել էր Սինոալայում՝ 2016թ․ հունվարի 8-ին՝ մեքսիկաամերիկյան դերասանուհի Քեյթ Դեյլ Կաստիլիոյի եւ ամերիկացի դերասան Շոն Պենի հետ գաղտնի հանդիպումից հետո։ Վերջինս Rolling Stone ամսագրի համար հարցազրույց էր վերցրել նրանից։
Գուսմանն ուզում էր, որ Դել Կաստիլիոն իրեն խորհուրդներ տա եւ նկարահանվի ֆիլմում։