Volkswagen-ը նորացված Passat է ներկայացրել: Գերմանացիները փոխել են մեքենայի արտաքին տեսքը. այն ռադիատորի ավելի մեծածավալ ցանց եւ ավելի նեղ լուսադիոդային լուսարձակներ ունի: Սակայն պլատֆորմը, որի վրա կառուցվել է Passat-ը, նույնն է ինչ նախորդինը, հայտնում է RG-ն:
Մեքենան ունի 2 լիտր տարողությամբ տուրբո շարժիչ՝ 174 ձիաուժ հզորությամբ, բայց 184-ից մինչեւ 207 Հմ դարձած պտտվող մոմենտով եւ 6 մխոցանի ավտոմատ շարժիչի համակցությամբ: Կախոցը նույնն է մնացել: Իսկ ինտերիերում հաճելի փոփոխություններ կան: Մասնավորապես Passat-ը 8 դյույմանոց սենսորային էկրանով եւ Apple CarPlay գործառույթներով MIB II տեղեկատվա-ժամանցային համակարգ եւ Android Auto ունի:
Ինչպես եւ նախորդ մոդելը, թարմացված մեքենան առջեւում ընթացող մեքենայի հետ բախման զգուշացման եւ արտակարգ արգելակման համակարգ ունի:
Passat-ի ստանդարտ 17 դյույմանոց անիվները մինչեւ 18 կամ 19 են դարձել, Fender աուդիոհամակարգ է ավելացվել, նստատեղերը պատվել են Nappa կաշվով, ինչպես նաեւ առանց բանալու մեքենան գործարկելու ստեղ է ավելացվել:
Սպասվում է, որ մեքենայի եվրոպական տարբերակը կներկայացվի փետրվարին: