ԱՄՆ նախագահ Դոնալդ Թրամփը ստորագրել է ցեղասպանությունների եւ վայրագությունների կանխարգելման մասին Էլի Վիզելի ակտը, որն ավելի վաղ հավանության էր արժանացել Սենատում եւ Կոնգրեսում: Այս մասին հայտնում է Ամերիկայի հայ դատի հանձնախումբը (ANCA):
Տվյալ օրենքը հաղթանակ է ցեղասպանությունների կանխարգելման եւ նոր վայրագությունների կանխման գործընթացների եւ նոր քաղաքականության իրականացման գործում, նշվում է ANCA-ի հայտարարությունում:
«ANCA-ն ողջունում է նախագահի կողմից Ակտի ստորագրումը եւ շնորհակալություն հայտնում օրենսդիրներին, որոնք օրինագծին աջակցել են: Լինելով հայազգի ամերիկացիներ, նրանց ժառանգները, ովքեր վերապրել են Հայոց ցեղասպանությունը, մենք առանձնապես ուրախ ենք տեսնել օրենքի ստորագրումը, որը վկայում է անցումային արդարադատության, քրեական պատասխանատվության եւ բարոյական հրամայականի մասին՝ կիրառել անցյալի ցեղասպանությունների դասերը՝ նոր վայրագությունների կանխման ձգտմամբ»,- հայտարարել է ANCA-ի գործադիր տնօրեն Արամ Համբարյանը: